It-Twissija l-Kbira, It-Tieni Miġja Tiegħi u ċ-Ċans Biex Issalvaw Ruħkom

Binti, l-messaġġ tiegħi tal-bieraħ kien aħrax. Ħafna minn dawk li jaqrawh se jgħidu: “Dan mhux il-mod kif jitkellem il-Mulej”. Imma dawn kif jafu? Huwa minħabba t-tbatija li qed jgħaddu minnha uliedi, l-maħbubin tiegħi, minn idejn ħaddieħor, li Jiena rrid bil-fors nitkellem. Irrid nitkellem minħabba l-Ħniena Divina tiegħi, sabiex ngħinkom issalvaw uliedi, ħalli aħna nkunu nistgħu ningħaqdu ħaġa waħda bħala Familja Qaddisa fil-Ġenna tal-Art il-Ġdida. Ma rridx nitlef lanqas ruħ (persuna ħajja) waħda minħabba l-Qarrieqi. Huwa importanti li Leħni jinstema'.

Jiena nifhem, li għal ħafna minn uliedi, speċjalment dawk li ma jemmnux Fija, isibuha diffiċli ħafna biex jemmnu fil-ħajja li jmiss. Huma tant saru jiddependu fuq l-affarijiet tad-dinja, li fit-taqbida tagħhom biex jibqgħu ħajjin, ittraskuraw l-ispiritwalità tagħhom, sat-tali punt, li ma jemmnux li wara kollox hemm ħajja oħra. Issa jeħtieġ li dawn jikkunsidraw. Huma jemmnu li kollox jispiċċa wara l-mewt, u li l-unika dinja li għandhom għalfejn jinkwetaw dwarha, hija dik li qegħdin jgħixu fiha bħalissa. Kif Niddispra għal dawn l-erwieħ żbaljati. Kieku biss huma setgħu jesperjenzaw imqar lemħa waħda minn dak li tipprovdi l-Ġenna tal-Art, kieku huma kienu jqattgħu l-ġranet tagħhom fit-talb u l-adorazzjoni tagħhom Lili u lil Missieri Etern, b’tifħir u radd il-ħajr. Din id-dinja l-ġdida, li Jiena wegħedt hija realtà. Infaħħar lill-dawk il-fidili tiegħi, li qatt ma nsew dan il-fatt, u li għadhom jitolbu Lili kuljum s’issa. Kemm Inħobb lis-segwaċi tiegħi. Imma kemm Inbati għalihom ukoll. Dawn is-segwaċi devoti tiegħi, jagħmlu dak kollu li jistgħu, sabiex jikkonvinċu lil oħrajn bl-Eżistenza tiegħi. Imbagħad minn fuq, dawn jidħqu bihom u jiġu mżeblaħa f’Ismi. Kif naqsam Qalbi b’dan.

Il-maħbubin tagħkom fuq in-naħa l-oħra tal-ħajja, infnew fuqkom, intom ilkoll li ma temminx Fija! Għal dawk minnkom, li l-maħbubin tagħkom jinsabu fil-Paċi fis-Saltna ta’ Missieri, huma qegħdin kontinwament jitolbu u jinterċedu għalikom. Dak li m’intomx tindunaw huwa dan. Li jekk intom issibu l-ħin biex titkellmu miegħi privatament, jiġfieri fi kliemkom stess, u titolbuni nigwidakom, anke jekk il-fidi tagħkom hija fietla, allura Jiena nismagħkom. U intom se tkunu tafu li jien weġibtkom. Duru Lejja issa, uliedi. Itolbuni fi kliemkom stess, sabiex Jien inġedded il-fidi tagħkom. Aħsbu fuq it-Tagħlim tiegħi permezz ta’ dawn il-messaġġi u permezz tal-Bibbja, u fakkru lilkom infuskom kif għandkom tgħixu ħajjitkom. Jiena, permezz tal-Ħniena tiegħi, dalwaqt se nurikom l-offiżi tagħkom kontra t-Tagħlim tiegħi, kif ukoll kull dnub u kull insult li għamiltu matul ħajjitkom kollha.

Dan huwa att ta’ Ħniena min-naħa tiegħi. Intom se taraw dnubietkom u se tifhmu mill-ewwel kif dawn jidhru Minni. Minnufih intom se tifhmu b’mod ċar, kemm dnibietkom huma offensivi u ħżiena. Dan huwa ċ-ċans tagħkom uliedi, sabiex tindmu. Dan mhux Jum il-Ġudizzju, imma biss togħma ta’ kif se jkun. Mill-Ħniena tiegħi, qed jingħatalkom l-akbar rigal minnhom kollha, qabel Jum il-Ġudizzju, jiġifieri ċ-ċans li tindmu u tbiddlu ħajjitkom qabel l-Aħħar Jum, li huwa ż-żmien meta se nerġa’ Niġi fuq din l-art. Jiena, kif tafu, issa se niġi mhux bħala Salvatur, imma bħala Mħallef Ġust. Dak iż-żmien issa wasal, uliedi. Tibżgħux. Jiena Nħobbkom ilkoll. Intom tinsabu f’Qalbi. Ħalluni issa Nidħol f’ħajjitkom, u Ħalluni niggwidakom lejn is-Saltna ta’ Missieri. Ara li qatt ma tibżgħu mill-mewt. Il-mewt se tkun sempliċement il-bieb għal ħajja ġdida u sabiħa ta’ eternità, mimlija mħabba, paċi u hena.

Ħajjitkom f’din id-dinja, hija sempliċement passaġġ fiż-żmien. Din tista’ tkun mimlija mħabba, ferħ, uġigħ, ċaħda, biża’, rabja, disperazzjoni, frustrazzjoni u dwejjaq. Imma huwa biss meta dduru Lejja, li l-uġigħ tagħkom jittaffa. Henjin dawk li jsofru u speċjalment dawk li jsofru f’Ismi, għaliex intom se tiġu gglorifikati fis-Saltna ta’ Missieri. Henjin ukoll dawk li jduru lura Lejja, għaliex se jkun hemm ferħ kbir fis-Sema għalikom. Intom se tiġu milqugħa fil-Ġenna tal-Art il-Ġdida tiegħi. Itolbu issa għal ruħkom u għal dawk tal-familji tagħkom. It-Twissija l-Kbira se sseħħ dalwaqt. Imbagħad tkunu tafu l-Verità. Imbagħad ukoll, ikollkom iċ-ċans li tifdu lilkom infuskom f’Għajnejja. Jiena nħobbkom ilkoll. Jiena Nifraħ għax Naf li ħafna aktar minn uliedi, issa se jduru lura Lejja u lejn Alla, il-Missier Etern, hekk kif il-waqt tat-tmiem iż-żminijiet, issa qed joqrob ġmielu. Kunu ppreparati.