Kliem ta’ Faraġ Rigward Dawk li Jiddubitaw Dawn il-Messaġġi.
Mill-Ktieb tal-Verità. Messaġġ mill-Maħbub Salvatur tagħna Sidna Ġesù Kristu, lil Marija Ħniena Divina, tas-6 ta’ Marzu, 2011, fit-3 pm.
Binti, ibqa’ soda. Inti m’għandekx toqgħod tittortura lilek innifsek billi taqra l-kummenti fuq l-Internet, fejn juru l-mibegħda li ħafna u ħafna minn uliedi jħossu Lejja. Iċ-ċaħda tagħhom Lejja, la bdiet u lanqas spiċċat mal-Kruċifissjoni tiegħi. Għadha għaddejja sal-lum, bħala riżultat dirett tal-mibegħda mxerrda mix-Xitan (Satana) permezz ta’ wliedi. Int se tbati f’Ismi u hekk ukoll is-segwaċi l-maħbuba tiegħi, li jissograw jiddefenduni. Dan, maħbuba binti, mhuwiex xi ħaġa ġdida. Huwa biss xokkanti għalik li qiegħda tarah.
Anke dawk mis-segwaċi tiegħi li jsostnu li jemmnu Fija, se jsibu dawn il-Messaġġi diffiċli biex jiddiġerixxuhom. Maż-żmien, meta l-prova tinkixef, dawk kollha li jisqarru li jobogħduni se jerġgħu jevalwaw il-fehmiet tagħhom. Xi wħud se jibku meta l-ħlewwa tal-Verità tintwera lilhom. Oħrajn, xorta se jiddubitaw u jiddubitaw, għaliex se jagħmlu l-iżball li jippruvaw jaslu għad-deċiżjoni tagħhom permezz tar-raġunar uman.
Mur issa, itlob għal dawk kollha li jiddubitaw dawn il-Messaġġi. Huwa sew li jagħmlu dan. Għal dawk li jiġu f’Ismi, huma jridu jaċċettaw li se jiġu sfidati, u bir-raġun. Għalhekk, il-messaġġi kollha għandhom jiġu eżaminati bir-reqqa.
Mur issa fil-paċi u l-imħabba. U ftakar, li Jien inħobb lil uliedi kollha, inklużi dawk li jistqarru li jobogħduni.
Il-Maħbub Salvatur tagħkom,
Ġesù Kristu,
L-Imħallef tal-Umanità Kollha
