Terremot fl-Ewropa u Gwerra Dinjija

Maħbuba binti l-għażiża, huwa b’imħabba kbira li Jiena ġejt Nikkomunika miegħek illejla. Għax Jiena Naf dwar it-turment li inti kont qiegħda tbati. It-tbatija li issa int offrejt għall-erwieħ (nies ħajjin) tfisser, li dawn kienu se jiffaċċjaw il-kundanna li kieku inti ma għamiltx dan bil-ferħ.

Binti, dawn il-Messaġġi huma awtentiċi, imma waqt it-talb jew wara t-talb, inti trid tikkomunika Miegħi biss. Dan huwa importanti, għaliex il-Qarrieqi xi kultant, jista’ jipprova jindaħal, sakemm inti ma tibqax kwieta fit-talb Miegħi.

Binti, il-profeziji li Jiena kont tkellimt dwarhom, dalwaqt se jseħħu. Il-Vigarju maħbub tiegħi, ma fadallux ħafna żmien fil-Vatikan minħabba l-avvenimenti li seħħew f’Marzu. Avvenimenti oħra, li issa l-umanità sejra tara, jinkludu terremot fl-Ewropa, li se jaħsad lil ħafna. Imma din il-purifikazzjoni se tgħin biex jingħaqdu n-nies, u li se tkun għall-ġid ta’ kulħadd. Avvenimenti globali oħra, inkluża l-eruzzjoni vulkanika, se jseħħu issa, filwaqt li gwerra fil-Lvant Nofsani se tinvolvi nazzjonijiet oħra. In-nazzjonijiet l-oħra mill-Punent se jipprovokaw reazzjoni mir-Russja u ċ-Ċina. Kollox se jispiċċa fi Gwerra Dinjija.

It-talb sejjer jnaqqas il-ħruxija ta’ dawn l-avvenimenti. It-talb se joħloq konverżjoni. Il-konverżjoni u permezz tat-talb, se tnaqqas il-kobor u l-qawwa ta’ dawn l-avvenimenti.

Binti, hekk kif id-dinja qiegħda tkompli tesperjenza dawn l-avvenimenti ta’ tbatija, dawk li jsofru se jiġu umiljati. Huwa permezz tal-umiltà li jistgħu jiġu salvati. Dan kollu huwa meħtieġ sabiex id-dinja titħejja għat-Tieni Miġja tiegħi. Dan iż-żmien mhuwiex ’il bogħod. Se jkun, binti, jum ta’ glorja kbira għal dawk li jemmnu Fija. Żomm dan il-jum fuq quddiem nett f’moħħok, għaliex kwalunkwe tbatija preċedenti li inti diġà ssaportejt s’issa f’Ismi, se tkun intesiet sa dakinhar.

Il-profeziji kollha mbassra fil-Ktieb tal-Apokalissi, issa sejrin jippreżentaw ruħhom lid-dinja. Għal dawk li jifhmu fis-sinifikat ta’ dawn l-avvenimenti, jekk jogħġobkom u jekk jogħġobkom, spjegaw l-importanza lil ħaddieħor tal-ħtieġa li għandom jitolbu lil Alla għall-maħfra meħtieġa, sabiex inaddfu lir-ruħ tagħhom.

Binti, qis li dejjem u dejjem tisma’ l-Messaġġi tiegħi minn qalbek. Inti taf li ġejjin Minni, is-Salvatur Divin tiegħek, għalkemm nies oħrajn, xi kultant jikkonvinċuk li dan mhux hekk. Dan Lili jweġġagħni ħafna. Jiena nifhem li ħafna mid-dubji tiegħek ġejjin mill-karattru tiegħek li inti tobgħod tqarraq bin-nies. Int issa fl-aħħar hemm bżonn li twarrab dawn il-ħsibijiet kollha.

Inti binti, tkun aktar b’saħħtek li kieku kellek tingħata l-għajnuna spiritwali li għandek bżonn mingħand Saċerdot. Sfortunatament, ħadd minnhom ma jrid jixrob mill-Kalċi tiegħi kif suppost, u dan il-fatt Lili jinsulentani ħafna. Għalhekk inti issa trid tafda Fija kompletament. Ċedi r-rieda tiegħek Lili finalment, u kollox se jidher ħafna aktar ċar għalik. Itlob il-Kurunella tal-Ħniena Divina tiegħi, kif tlabtek qabel u kuljum, kif ukoll ir-Rużarju Mqaddes. Attendi wkoll l-Adorazzjoni mill-inqas darba fil-ġimgħa f’xi Knisja. Dawn ir-rigali żgħar kollha tiegħek Lili jressquk eqreb Lejja. Iktar ma inti tersaq qrib tiegħi, iktar faċli u sempliċi se jkunu l-kompiti tiegħek.

Qis li tirrispetta din l-Iskrittura l-Aktar Qaddisa. Iddefendiha. Aċċetta li din se tiġi attakkata u mtertqa f’biċċiet, speċjalment minn dawk li jistqarru li huma esperti, u li se jfittxu jneħħu partijiet minnha, fejn jgħidu li jikkontradixxu t-Tagħlim tiegħi. L-unika kontradizzjoni fil-fatt se tkun, l-interpretazzjoni difettuża tagħhom stess tat-Tagħlim tiegħi. Huma għalhekk jgħawġu u jinterpretaw ħażin il-Kelma Mqaddsa tiegħi, għaliex hekk jaqblilhom li jagħmlu.

Binti, Ħassejt in-nuqqas tiegħek, kif ukoll tal-komunikazzjonijiet mill-qrib tiegħek Miegħi, minn qalbek. Itlobni l-Grazzji biex inżommok soda u dawn jingħatawlek. Jiena għandi pjanijiet għalik binti. Dawn huma importanti ħafna. Għalhekk huwa essenzjali li ruħek tkun ippurifikata, u li tibqa’ fi stat ta’ grazzja l-ħin kollu. Hekk kif isseħħ it-trasformazzjoni finali tiegħek lejn il-perfezzjoni spiritwali, int binti se tbati. Imma Jien se nippreparak għal dan. L-opinjoni ta’ ħaddieħor m’għandhiex tikkonċernak. Dawk li mhumiex jgħixu fid-Dawl u jdejquk, injorahom. Imma qis li titlob għalihom. Kun konxja, madankollu, li dawn in-nies jistgħu jiġbduk tant 'il bogħod Minni, mingħajr ma inti tkun qiegħda tinduna, u li meta tinduna b’dan, inti tkun diġà għalaqt qalbek għalija.

Santu Wistin u San Benedittu, it-tnejn li huma jinsabu jaħdmu miegħek. Invoka l-għajnuna tagħhom u tara kif issib kollox ħafna aktar faċli. Li inti tagħmel ix-xogħol li Jiena qiegħed Nitolbok, u li twettaq dawk il-kompiti li Jiena Nirrikjedi minnek, huwa diffiċli. Ma’ kull pass li tagħmel f’din it-triq, se jkun hemm tentattivi biex ifixkluk. Rabja, frustrazzjoni u argumenti se jinbtu madwarek u se jintensifikaw. Dawn kollha huma maħsuba biex idgħajfu r-rieda tiegħek, jekk inti biss tippermettihom.

Jeħtieġ li tbierek id-dar tiegħek u ġġorr fuqek iż-żibeġ tar-Rużarju, ikollok is-Salib Benedittin kif ukoll l-Ilma Mbierek il-ħin kollu issa. Qis li issa tkun kuraġġuża. Afda Fija kompletament. Sa fl-aħħar ċedi kollox. Offrili r-rieda ħielsa tiegħek issa, u Jiena Nagħtik il-Grazzji kollha meħtieġa biex twettaq ix-Xogħol tiegħi sal-perfezzjoni tiegħu. Inħobbok binti l-magħżula. Jiena se Nkompli Nsaħħek aktar milli int. Sejjer niggwidak. Sabiex dan ikun tassew effettiv, hemm bżonn li inti ċċedi kollox Lili, sew fil-ġisem, fil-moħħ u fir-ruħ. Iżda din l-offerta trid tiġi minnek fejn tingħata Lili bħala rigal prezzjuż. Jiena ma nistax sempliċement naqbad u Noħodhielek, għaliex ir-rieda ħielsa tiegħek hija Rigal Speċjali mingħand Alla, il-Missier Etern tiegħi.

Mur issa, binti fil-paċi. Erħi f’Idejja l-inkwiet u t-tħassib tiegħek. Eħles lil moħħok, ġismek u lir-ruħek. Imbagħad meta inti ċċedi r-rieda ħielsa tiegħek, fl-aħħar issir ħaġa waħda Miegħi. Dan ir-rigal tiegħek Lili, jiżgura li l-Kelma tiegħi se tinstema’ b’mod aktar effettiv madwar id-dinja.