L-Atroċitajiet tal-Kruċifissjoni Tiegħi Ma Kienux Żvelati lill-Bniedem bil-Mod Kif Suppost Ġew

Maħbuba binti, jeħtieġ li int issa terfa’ is-Salib tiegħi u tgħinni, sabiex int iġġorru fil-vjaġġ li Jien ippjanajt għalik. Binti preżjuża, kemm batejt inti f’dawn l-aħħar ftit ġimgħat. Jiena ħallejt dan jiġri, sabiex inressqek eqreb lejn il-Qalb Imqaddsa tiegħi.

Ħafna erwieħ (nies ħajjin) jinsabu msejħin biex ixandru l-Messaġġi tiegħi lid-dinja. Madankollu, huwa biss permezz tal-purifikazzjoni volontarja min-naħa ta’ dik ir-ruħ (persuna) li se tiddetermina l-kwalità tad-dixxerniment. Fi kliem ieħor, jekk ir-ruħ li Jiena nkun għażilt sabiex tikkomunika l-Kelma tiegħi tkun safja, allura l-Messaġġi se jkollhom aktar impatt fuq l-oħrajn. Se jkollhom impressjoni aktar dejjiema fuq l-erwieħ. Il-Messaġġi se jkunu mimlija kompassjoni, iżda se jiżvelaw il-verità tat-Tagħlim tiegħi fil-format mhux raffinata tiegħu.

Jiena m’għandix ħin x’naħli fi kliem taz-zokkor kif mistenni mill-bniedem, hekk kif huwa jinsab ikkundizzjonat biex jisma’ l-Kelma tiegħi b’ċertu mod, jiġifier fil-verżjoni stupida tagħha. Lanqas il-Passjoni tiegħi, is-Salib, u l-atroċitajiet imwettqa mill-bniedem fil-Kruċifissjoni tiegħi, ma ġew żvelati lid-dinja bil-mod li suppost kellhom jiġu żvelati. Tant hemm ftit minnkom biss uliedi, li tifhmu t-trattament orribbli li bagħtejt Jiena, is-Salvatur Divin tagħkom, minn idejn il-bniedem. Madankollu, dan l-istess trattament tiegħi llum, fejn Jiena qiegħed niġi mwaqqa’ għaċ-ċajt, jitmejjlu Bija, jistħuni, jinjorawni u jabbużawni, għadu għaddej u evidenti sal-lum. Il-Mewt tiegħi wittiet it-triq biex Insalva l-erwieħ tagħkom mid-dannazzjoni eterna. Dan għadu jiġri s’issa. Qisu li ma tarmux id-Don tas-Salvazzjoni, għaliex jekk intom ma taċċettawx il-Verità, ma tistgħux tiġu salvati.

Isimgħu dan. Jiena Hu l-Verità. Jiena Hu ċ-ċavetta għas-salvazzjoni tagħkom. Fuq is-sodda tal-mewt tagħkom, anke jekk intom tkunu warrabtunu, injorajtu t-Tagħlim tiegħi, ċħadtu l-Eżistenza Reali tiegħi, xorta duru Lejja u itolbuni sabiex Nifdikom. Qatt mhu tard wisq biex intom idduru Lejja u titolbuni sabiex inżommilkom idejkom u tħalluni mmexxikom lejn is-Saltna tas-Smewwiet ta’ Missieri. Imma intom, tistgħu tagħmlu dan biss, waqt li għadkom ħajjin fuq din l-art. Dan huwa l-unika ċans li għandkon sabiex taċċttaw il-Ħajja Eterna. Wara l-mewt imbagħad, ikun tard wisq.