Is-Smewwiet Sejrin Jinfetħu Waqt it-Twissija l-Kbira

Maħbuba binti l-għażiża, inti qiegħda tbati t-turment li Jiena nsofri għad-dnubiet tal-bnedmin. Int issa hekk qiegħda tħossok. Bħalissa inti qiegħda tħoss biss farka ċkejkna mit-Tbatija tiegħi u kull minuta tal-ġurnata tiegħek. M’hemm xejn minn xiex tibża’ binti, rigward it-Twissija l-Kbira.

Din sejra tixxokkja lil ħafna nies fid-dinja, għax se tkun ġrajja drammatika, fejn is-smewwiet jinfetħu u l-Fjamma tal-Ħniena tiegħi sejra tinfirex madwar id-dinja kollha. Imma ħafna nies mhux se jifhmu x’qed jiġri. Tant se jkunu xxokkjati, li bi żball jaħsbu li qed jaraw isseħħ l-aħħar tad-dinja.

Għidilhom biex jifirħu meta jaraw il-Glorja tiegħi, għaliex dan l-avveniment, jekk ikunu ppreparati sew għalih, se jkun l-akbar eżempju spettakolari tal-Ħniena tiegħi, mill-jum tal-Kruċifissjoni tiegħi. Din uliedi, sejra tkun il-Grazzja tas-Salvazzjoni tagħkom u mhux se tħalli lil dawk, li kieku kienu ser jiġu kkundannati, milli jinżlu fil-qiegħ tal-Infern.

Issa, uliedi kollha u kullimkien, għandhom iwissu lill-erwieħ mitlufa (nies ħajjin) dwar x’għandhom jistennew. Ħeġġuhom ifittxu r-rikonċiljazzjoni billi jqerru dnubiethom issa. Huwa importanti li kemm jista’ jkun, ikun hemm nies li jkunu fi stat ta’ grazzja minn qabel, għax jistgħu ma jibqgħux ħajjin konsegwenza ta’ dan l-avveniment minħabba x-xokk. Huwa tant aħjar li l-ewwel taraw dan l-avveniment Divin u spettakolari, milli ma tkunux ippreparat fl-Aħħar Jum tal-Ġudizzju.

Ibqgħu sodi, intom ilkoll. Ifirħu, jekk intom segwaċi devoti tiegħi, għax se tilmħu ftit mill-Preżenza Divina tiegħi, li l-antenati tagħkom qatt ma raw matul ħajjithom. Itolbu għall-bqija ta’ wliedi. Għidulhom il-Verità issa dlament li tistgħu. Injoraw id-disprezz tagħhom, għax jekk jieħdu azzjoni issa, billi jitolbu l-maħfra ta’ dnubiethom, se jirringrazzjawkom wara li jseħħ dan il-Miraklu l-Kbir.

Morru issa fil-paċi. Tibżgħu xejn. Biss itolbu għal dawk l-erwieħ mingħajr fidi, sabiex ma jmutux fid-dnub il-mejjet.