Għaqqdu il-Familji Tagħkom Flimkien, Sabiex Tgawdu l-Ġenna tal-Art il-Ġdida fid-Dinja

Maħbuba binti l-għażiża, meta l-erwieħ jintilfu Minni (nies ħajjin) dawn jistgħu jidhru minn barra, li huma mimlija ferħ u li qegħdin jgħixu ħajjithom fil-milja kollha tagħha. Madankollu, huma jistgħu ikunu mitlufa Għalija, u dan Lili jimlini bi dwejjaq kbar. Tant hawn nies fid-dinja bħalissa, li jinsabu jgħixu ħajjithom ta’ kuljum, mimlija attivitajiet li jridu jagħmlu, tant jinsabu mpenjati, li jinsew li din id-dinja hija magħmula biss mit-tafal. Li dan iż-żmien li jqattgħu hawn huwa ferm qasir. Li dawk l-affarijiet personali tagħhom, eventwalment kollha se jsiru fixxa. Jinsew li meta n-nies jmutu, jsiru tafal. Madankollu, r-ruħ tagħhom tibqa’ ħajja u ma tmut qatt. Ir-ruħ tkompli teżisti għall-eternità.

Jiena Qiegħed ngħidilkom dan kollu issa wliedi, sabiex tgħaqqdu flimkien il-familji u l-ħbieb tagħkom bħala ħaġa waħda u li tkunu qrib Qalbi, għaliex meta intom tagħmlu dan, tgawdu l-Ġenna tal-Art il-Ġdida fid-dinja għal elf sena, u intom xorta sejrin tibqgħu magħqudin. Din hija l-Wegħda tiegħi lilkom ilkoll. Qisu li tgħixu ħajjitkom b’responsabbiltà. Dejjem poġġu l-familji tagħkom qabel kollox, anke fuq din l-art. Imma araw li dejjem tpoġġu l-fiduċja tagħkom Fija.

Ġibu għandi l-familji tagħkom. Jekk ma jiġux minn jeddhom, itolbu Lili u Jiena nagħtihom l-inkoraġġiment li jeħtieġu. Jiena dejjem inwieġeb it-talb li jsir għas-Salvazzjoni tal-erwieħ.