Il-Profeta Falz Mhux Biss Se Jieħu F’Idejh il-Knisja Kattolika, Iżda Se Jiddetta Fuq il-Knejjes Kristjani Kollha.
Mill-Ktieb tal-Verità. Messaġġ mill-Maħbub Salvatur tagħna Sidna Ġesù Kristu, lil Marija Ħniena Divina, tal-10 ta’ Ġunju, 2012, fit-3.30 pm.
Maħbuba binti l-għażiża, qed insejjaħ lis-segwaċi kollha tiegħi biex juru kuraġġ f’dan iż-żmien.
Dan mhuwiex iż-żmien li taqgħu u tibku. Imma huwa ż-żmien li tiġġieldu għas-salvazzjoni tagħkom.
Qed insejjaħ lill-Knejjes Kristjani kollha, lill-Kleru tiegħi u lil dawk kollha li ddedikaw ħajjithom lili, Jiena, Ġesù tagħhom, biex jisimgħu t-Talbiet tiegħi.
Qatt tabbandunaw il-verità tat-Tagħlim tiegħi.
Qatt tabbandunawni.
Qatt tabbandunaw il-Knisja tiegħi. Għaliex jien il-Knisja.
Qatt tabbandunaw lil Ġismi, għax Jiena hu il-Ħobż tal-Ħajja.
Qatt taċċettaw il-gideb, li dalwaqt se jitnissel fostkom, biex titwarrab il-Knisja tiegħi fid-dinja.
Wasal iż-żmien li tippreparaw.
Dalwaqt se tiġu mġiegħla tibilgħu reliġjon ġdida li se tkun magħmula mill-bniedem.
Dalwaqt se tiġu mitmugħa bil-forza, dak li se jkun jidher qisu l-Ewkaristija Mqaddsa, iżda dan mhux se jkun Ġismi.
Dan se jkun battal, sterili u mhu se jagħti l-ebda ħajja vera.
L-unika Ewkaristija Mqaddsa li teżisti hija l-mod ta’ kif il-Preżenza tiegħi hija ċċelebrata fis-Sagrifiċċju Mqaddes tal-Quddiesa kif inhi bħalissa.
Qatt tiżvijaw minn dan, anke jekk tkunu mġiegħla tagħmlu dan mill-pagani li se jieħdu f’idejhom il-Knejjes Kristjani tiegħi.
Huma se jipprofanaw il-Knejjes tiegħi u jibdluhom f’xejn aktar minn postijiet ta’ divertiment u postijiet soċjali.
Intom dejjem tridu ssegwu l-passi li għallimt lill-Appostli tiegħi fl-Aħħar Ċena.
Issa tridu taċċertaw ruħkom li jkollkom kollox f’postu, qabel ma jibda l-attakk.
Għaliex dalwaqt se ssibuha impossibbli li ssegwu d-duttrina falza imposta fuqkom mill-abominazzjoni li tinsab quddiemkom.
Il-Profeta Falz, mhux biss se jieħu taħt idejh il-Knisja Kattolika, iżda se jiddetta fuq il-Knejjes Kristjani kollha fejn se jgħaqqadhom flimkien bħala ħaġa waħda.
Imma mbagħad mhux ser inkun Jien, Ġesù Kristu, li fuqu se jinbena t-Tempju l-Ġdid. Se jkun Tempju, li se jieħu post is-Santa Sede, biex jonora l-Bhima.
Agħtu widen issa lil Kliemi, għax dalwaqt se taraw il-Verità.
Lil dawk il-kuraġġużi biżżejjed, li se jirreżistu din il-persekuzzjoni tal-fidi tagħkom, tridu tippjanaw minn issa.
Lil dawk li m’għandhomx biżżejjed saħħa, biex jiġġieldu r-renju tal-Antikrist u l-Profeta Falz, inżlu għarkupptejkom issa u itolbuni biex ngħinkom.
Jiena niggwidakom permezz tal-mexxejja l-ġodda tiegħi li se jinbtu fostkom, immexxija miż-Żewġ Xhieda tiegħi.
Enok u Elija, preżenti fil-Knejjes Kristjani tiegħi fid-dinja, u fid-Dar ta’ Iżrael, dalwaqt se jinfluwenzaw l-ippridkar tal-Evanġelji madwar id-dinja kollha.
Xejn mhu se jwaqqaf it-tagħlim tal-Verità.
Dan iż-żmien se jkun diffiċli, imma qumu u segwu l-Armata tiegħi fid-dinja u aktar erwieħ se jiġu salvati. Titilfux il-merħla li tajtkom f’idejkom biex tmexxuha.
Tibżgħux, għax biss billi ssegwi t-Triq tiegħi lejn il-Ħajja Eterna, tistgħu tiġu salvati.
Segwu t-triq tal-Profeta Falz, u mhux biss tintilfu Minni, imma twasslu erwieħ innoċenti oħra fit-triq tal-Infern.
Kunu kuraġġużi, Qaddejja Sagri (Saċerdoti) tiegħi.
Aċċettaw li ż-żmien tar-Ritorn tiegħi huwa imminenti. Issa m’għandkomx ħin x’taħlu.
Ġesù tagħkom
