Numru ta’ Avvenimenti Rigward il-Knejjes li Jonorawni fid-Dinja, Issa Se Jibdew Joħorġu fil-Beraħ

Għażiża għarusa mistika tiegħi, maħbuba binti l-għażiża, il-provi tiegħek tawk abbiltà ġdida kif ukoll il-passjoni meħtieġa, biex tmiss il-qlub ta’ ħafna.

Dan huwa wieħed mill-modi kif Jien se mmiss l-erwieħ (nies ħajjin) ta’ dawk li għandhom bżonn il-Grazzji tiegħi.

Jiena se nagħmel dan, permezz tax-xogħol tiegħek għalija, sabiex il-konverżjoni tkun tista’ tinfirex malajr.

Matul dan iż-żmien, numru ta’ avvenimenti rigward il-Knejjes, li jonorawni fid-dinja se jibdew joħorġu fil-beraħ.

Ix-xiżma (qasma) fil-Knisja Kattolika tiegħi dalwaqt se ssir pubblika.

Meta dan isir, se jkun fost iċ-ċapcip ta’ dawk (il-Qassisin) li sseparaw il-Verità tat-Tagħlim tiegħi mill-Kmandamenti stabbiliti minn Missieri.

L-ippjanar u l-koordinazzjoni ta’ din l-iskema kbira ħadu xi żmien, iżda dalwaqt se jħabbru x-xiżma quddiem il-midja tad-dinja.

Ħafna, jgħajtu b’leħen għoli, jippreżentaw gideb, mhux biss kontra l-liġijiet stabbiliti mit-Tagħlim tiegħi.

Dak li verament iridu huwa li joħolqu alla ġdid.

Il-figura prominenti ġdida tal-Knisja tiegħi se tiġi promossa bħal f’kull elezzjoni ta’ mexxejja politiċi prominenti.

Dawn se jġegħluk temmen li l-Kliem tal-qedem huwa qarrieqi.

Imbagħad se jgħidulek biex ma temminx fihom.

Se jibdlu l-mod ta’ kif kienu jgħixu t-Tagħlim tiegħi u jibdlu l-mod kif jonorawni.

Issa se jwarrbu l-Liġijiet tiegħi fil-ġenb, u se jqimu liġijiet li ħolqu huma stess.

Se jibdlu l-Wegħdiet Solenni tagħhom biex jiġġustifikaw il-parteċipazzjoni tagħhom fil-bini ta’ tempju ġdid: it-tempju l-ġdid iddedikat għall-ħakma tal-Profeta Falz.

Imbagħad ma jibqgħux ikunu Qaddejja (Saċerdoti) tiegħi, għax se jibdlu l-lealtà u jonoraw lill-Profeta Falz.

Imbagħad se jqimu alla falz, kunċett ġdid fjamant, li se jippermetti li ċerti liġijiet ta’ Alla jiġu mneħħija u sostitwiti b’oxxenitajiet quddiem Għajnejja.

Din hija t-Twissija tiegħi lil dawk il-Qassisin fostkom li se jitbiegħdu mill-Knisja Kattolika.

Meta tieqfu tafdaw Fija bis-sħiħ, raskom se ddur biex temmnu fil-gideb.

Meta tafdaw ħakkiema qarrieqa, se taqgħu fi dnub tal-waħx.

Intom se tonoraw il-Bhima (l-Antikrist), li se jniġġes il-Knisja tiegħi billi jitfa’ l-kuruna tax-xewk fuq Ras il-Knisja tiegħi, u l-Vigarju Qaddis Veru tiegħi, il-Papa Benedittu.

Intom se tbatu ħafna meta taqdu lill-Bhima, għax tkunu qed iċċaħħdu lil Alla minn uliedu.

Erġgħu lura għall-għeruq veri tagħkom.

Tħallux lill-Knisja tiegħi titniġġes bid-dnubiet ippjanati minn nies li jridu jeqirdu l-Kristjaneżmu u reliġjonijiet oħra, li jonoraw lil Missieri.

Intom, il-Qaddejja Sagri tiegħi, li ma tobdux l-Ordnijiet Sagri tagħkom, aqtgħu qalbkom minni, filwaqt li dawn il-qarrieqa se jisirqu l-erwieħ tagħkom.

L-akbar dnub li intom se tagħmlu huwa li tonoraw alla falz.

Dan, liebes ġojjelli, se jkun sabiħ, sottili u jifhem sew fit-Tagħlim tal-Ktieb ta’ Missieri.

Intom se taqgħu taħt is-seħer tiegħu.

Huwa se jgħawweġ it-Tagħlim tiegħi sabiex isir ereżija.

Din ir-reliġjon, alternattiva għall-Verità ta’ Alla, ma tiswa xejn.

Madankollu, din se jkollha l-faxxinu li tiġbed in-nies lejha, imħabba, dehra tal-għaġeb, u tkun mżejjena b’deheb ġdid u ħaġar prezzjuż, se tidher bħala r-Reliġjon Dinjija l-ġdida fuq l-artali kollha.

Lil dawk il-Qassisin fidili, ngħidilkom dan.

Se nbierikkom bil-Grazzji biex tifhmu l-Verità l-ħin kollu.

Idoli bħal dawn, ippreżentati lilkom bħala l-Verità, huma biss tafal.

Huma magħmula minn oġġetti tal-injam.

Mhuma xejn.

M’għandhom l-ebda tifsira.

L-ebda Grazzja ma tiġi minnhom.

Alla, l-Uniku Alla Veru, sempliċement mhux se jkun preżenti fil-knejjes tagħhom.

Alla l-Ħaj biss jista’ jkun preżenti fil-Knejjes tiegħi.

Meta Alla l-Missier jara dan l-insult finali, Huwa se jeżilja lil dawk li jġibu dawn il-prattiki pagani b’mod ħaj.

Imbagħad Huwa se jitlob spjegazzjoni mingħand dawk li jikkawżaw ix-xiżma fil-Knisja Mqaddsa tiegħu fid-dinja, dawn l-istess Qaddejja, li b’arroganza jiċħdu l-Kelma t’Alla daqshekk malajr.

Meta jiffaċċjawni, matul it-Twissija, se jkunu jafu kemm weġġgħu lil Missieri.

L-ebda persuna jew Qaddej Sagru, m’għandu xi kontroll, għax hemm Sid wieħed biss.

Alla wieħed biss.

Qed jintroduċu alla magħmul mill-bniedem.

Hu (alla falz) ma jeżistix, iżda xorta waħda se jisirquli l-Merħla tiegħi.

Se jingħataw kull grazzja u jintwerew ħafna paċenzja.

Jekk ma jindmux, se jinqerdu.

Kull wieħed minnkom se jitħallas għal kull ruħ li tliftu għalija.